Սպորտ

Իտալական «Ինտեր»-ը և գերմանական մի շարք ակումբներ հետաքրքրված են Էդուարդ Սպերցյանի ծառայություններով

1 րոպեի ընթերցում

Իտալական «Ինտեր»-ը և գերմանական մի շարք ակումբներ հետաքրքրված են Էդուարդ Սպերցյանի ծառայություններով

ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Էդուարդ Սպերցյանի ծառայություններով հետաքրքրված են Միլանի «Ինտեր»-ը և գերմանական մի քանի ակումբներ:

«Արմենպրես»-ի հաղորդմամբ` այս մասին գրում է Metaratings-ը:

Կայքի տեղեկություններով՝ ռուսական «Կրասնոդար»-ի կիսապաշտպան Էդուարդ Սպերցյանի խաղին ակտիվորեն հետևում են գերմանական «Բայեր»-ը, «Ֆրայբուրգ»-ը, Մյունխենգլադբախի «Բորուսիա»-ն: Բացի գերմանական թիմերից, նաև իտալական «Ինտեր»-ն է հետաքրքրված Հայաստանի ազգային հավաքականի կիսապաշտպանի ծառայություններով:

Ավելի վաղ տեղեկություններ էին տարածվել, որ Սպերցյանի ծառայություններով հետաքրքրված է իտալական «Միլան»-ը։

Էդուարդ Սպերցյանը «Կրասնոդար»-ի ակադեմիայի սան է: Ծնվել է 2000 թվականին: 2019 թվականից հանդես է գալիս «Կրասնոդար»-ի հիմնական կազմում: Հայաստանի ֆուտբոլի ազգային թիմին Սպերցյանը միացել է 2021 թվականին, նորամուտը հավաքականում նա նշել է Հայաստան-Ռումինիա խաղում: Առաջին գոլը հավաքականի կազմում Սպերցյանը հեղինակել է նորամուտի խաղում։

ՀետևեքմեզԻնստագրամում

Բաժին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում