Սիրիայում ՀՀ գլխավոր հյուպատոսության խորհրդականն այցելել է հայ համայնքային կենտրոններում ապաստանած քաղաքացիներին
1 րոպեի ընթերցում
![Սիրիայում ՀՀ գլխավոր հյուպատոսության խորհրդականն այցելել է հայ համայնքային կենտրոններում ապաստանած քաղաքացիներին](http://armenpress.am/resized/480/static/news/b/2023/02/1103945.jpg)
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ։ Սիրիայում Հայաստանի գլխավոր հյուպատոսության խորհրդական, հյուպատոս Բաբկեն Բադալյանն այցելեց Հալեպի հայ համայնքային կենտրոններում ապաստանած քաղաքացիներին։ «Արմենպրես»-ի փոխանցմամբ, այս մասին հայտնում է Սիրիայում ՀՀ գլխավոր հյուպատոսությունը։
Ավելի վաղ նա նաև այցելել էր Ալ֊Շաար շրջան, որտեղ որոնողական աշխատանքներ է իրականացնում Հայաստանից ժամանած փրկարարների խումբը։ Բադալյանը զրուցել էր Իրանի փրկարարական խմբի գլխավոր համակարգողի հետ, ով բարձր էր գնահատել հայ մասնագետների հետ համագործակցությունը` արժևորելով նրանց մասնագիտական բարձր որակները։