Երուսաղեմի հայոց պատրիարքարան է այցելել Իսրայելում ՌԴ դեսպանը
1 րոպեի ընթերցում
![Երուսաղեմի հայոց պատրիարքարան է այցելել Իսրայելում ՌԴ դեսպանը](http://armenpress.am/resized/480/static/news/b/2023/02/1103442.jpg)
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Երկուշաբթի՝ փետրվարի 6-ին, Երուսաղեմի հայոց պատրիարքարան է այցելել Իսրայելում Ռուսաստանի Դաշնության դեսպան Անատոլի Վիկտորովը:
Ինչպես «Արմենպրես»-ը տեղեկանում է Սուրբ Աթոռի դիվանապետ Հայր Աղան Գոգչեանի տարածած հաղորդագրությունից, դեսպանը հանդիպում է ունեցել Ն.Ա.Տ. Նուրհան Պատրիարք Մանուկյանի հետ: Հանդիպման ընթացքում Պատրիարք Սրբազան Հայրը դեսպանին խնդրել է, որ իր խնդրանքը փոխանցի Ռուսատանի Դաշնության նախագահ Վլադիմիր Պուտինին, որպեսզի նրա անմիջական միջնորդությամբ հնարավորինս շուտ բացվի Բերձորի միջանցքը և Ադրբեջանից մայր հայրենիք վերադարձվեն մեր ռազմագերիները: