Հայաստանի արտաքին առևտրաշրջանառությունը հունվարից հոկտեմբեր կազմել է 10 մլրդ 885 մլն ԱՄՆ դոլար. աճը 66.4 տոկոս է
1 րոպեի ընթերցում
ԵՐԵՎԱՆ,7 ԴԵԿՏԵՄԲԵՐԻ,ԱՐՄԵՆՊՐԵՍ: Հայաստանի արտաքին առևտրաշրջանառությունը 2022-ի հոկտեմբերին կազմել է 1 մլրդ 556 մլն ԱՄՆ դոլար կամ 6 մլրդ 277 մլն դրամ: «Արմենպրես»-ն այս մասին տեղեկանում է Վիճակագրական կոմիտեի հրապարակած տվյալներից:
Դոլարային արտահայտությամբ աճը նախորդ տարվա նույն ժամանակաշրջանի համեմատ 91% է: 2022-ի հունվար-հոկտեմբերին Հայաստանի արտաքին առևտրաշրջանառությունը կազմել է 10 մլրդ 885 մլն ԱՄՆ դոլար կամ 47 մլրդ 229 մլն դրամ: Աճը նախորդ տարվա նույն ժամանակաշրջանի համեմատ, դոլարային արտահայտությամբ, 66.4% է: