368.53
«Վրաստան» թերթի խմբագիր Վան Բայբուրթյանին շնորհվել է Թբիլիսիի պատվավոր քաղաքացու կոչում
1 րոպեի ընթերցում
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: «Վրաստան» թերթի խմբագիր Վան Բայբուրթյանին շնորհվել է Թբիլիսիի պատվավոր քաղաքացու կոչում: «Արմենպրես»-ն այս մասին տեղեկանում է թերթի հրապարակումից, որտեղ, մասնավորապես, նշված է.
«Վրաստանի հայալեզու «Վրաստան» թերթի խմբագիր, հասարակական, քաղաքական և համայնքային վաստակաշատ գործիչ, Հայոց եկեղեցու նվիրյալ հետևորդ, Վրաստանի և Հայաստանի պետական կառույցների , հոգևոր բարձրագույն ատյանների բազմակի անդամ, հայ-վրացական բարեկամության նվիրյալ ջատագով, արժանավոր և ճանաչված հայորդի Վան Բայբուրթյանին շնորհվեց Թբիլիսիի պատվավոր քաղաքացու բարձր տիտղոս:
Վիրահայոց թեմի առաջնորդ հոգեշնորհ Տեր Կիրակոս վարդապետ Դավթյանի, հոգևոր դասի, պաշտոնեության, հավատացյալների և թբիլիսահայ մեծաթիվ ու բազմաշերտ համայնքի անունից շնորհավորում ենք պարոն Վան Բայբուրթյանին սիրելի քաղաքի պատվաբեր և հեղինակավոր կոչմանը արժանանալու կապակցությամբ»,- նշված է հրապարակման մեջ:
Բաժանորդագրվեք մեր ալիքին Telegram-ում