ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ։ Սյունիքի մարզպետարանը հերքում է տարածված լուրերը, թե մարզից բնակավայրեր են անցել Ադրբեջանի վերահսկողության տակ։ «Արմենպրես»-ի փոխանցմամբ՝ Սյունիքի մարզպետարանը հայտարարություն է տարածել, որը ներկայացնում ենք ստորև․
«Տեղեկացնում ենք, որ Սյունիքի մարզից որեւէ բնակավայր Ադրբեջանի վերահսկողության տակ չի անցել, ու այդ առնչությամբ համացանցում շրջանառվող տեղեկությունները չեն համապատասխանում իրականությանը․ կոչ ենք անում զերծ մնալ կեղծ ու չհիմնավորված լուրերի տարածումից»: