Միգրացիոն ծառայությունն ու «Վորլդ Վիժն Ինթերնեյշընլ»-ը կխորացնեն համագործակցությունը թրաֆիքինգի կանխարգելման ոլորտում
1 րոպեի ընթերցում
ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: Միգրացիոն ծառայության պետ Արմեն Ղազարյանը և «Վորլդ Վիժն Ինթերնեյշընլ» միջազգային բարեգործական կազմակերպության հայաստանյան մասնաճյուղի տնօրեն Ռաֆի Դուդակլյանը հուլիսի 20-ին ստորագրեցին համագործակցության հուշագիր՝ թրաֆիքինգի կանխարգելման ոլորտում գործակցային հարաբերությունները խորացնելու վերաբերյալ։
Ինչպես «Արմենպրես»-ին հայտնում են Միգրացիոն ծառայությունից, հուշագրով կողմերը կհամագործակցեն մարդկանց թրաֆիքինգի և շահագործման հավանական զոհերի նախանույնացման ուղղությամբ ջանքերի մեկտեղման հարցում՝ մասնագիտական գործունեության ընթացքում միգրացիոն շղթայում ընդգրկված պետական ծառայողների գիտելիքների ու հմտությունների ամրապնդման միջոցով։
Առաջիկայում Միգրացիոն ծառայության, «Միասին ընդդեմ մարդկանց թրաֆիքինգի» ծրագրի թիմի և այլ շահագրգիռ կառույցների ներկայկացուցիչների ներգրավմամբ կմշակվի միգրացիոն շղթայում ընդգրկված պետական ծառայողների մասնագիտական վերապատրաստման ծրագրի մոդուլը։