1 րոպեի ընթերցում
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Իսպանիայում լույս է տեսել Հայոց ցեղասպանության վերաբերյալ առաջին փաստագրական գիրքը։ «Արմենպրես»-ի հաղորդմամբ՝ Իսպանիայում ՀՀ դեսպանությունը տեղեկացնում է, որ այս կապակցությամբ հունիսի 13-ին դեսպան Սոս Ավետիսյանն ընդունել է գրքի հեղինակ, Մադրիդի CEU San Pablo համալսարանի դասախոս, քաղաքական վերլուծաբան, լրագրող Ռիկարդո Ռուիս դե լա Սերնային։
Դեսպանն ընդգծել է գրքի հրատարակման կարևորությունը՝ Իսպանիայում Հայոց ցեղասպանության մասին իրազեկվածության բարձրացման գործում։
Գիրքը հասանելի է Իսպանիայի բոլոր գրախանութներում։