368.52
Խրամորթին կից հատվածում իրավիճակը լիարժեք վերահսկվում է իշխանությունների և ՌԴ խաղաղապահների կողմից. ԱՀ ԱԽ
1 րոպեի ընթերցում
ՍՏԵՓԱՆԱԿԵՐՏ, 10 ՄԱՐՏԻ, ԱՐՄԵՆՊՐԵՍ: Ադրբեջանի զինված ուժերի սադրիչ գործողությունները կասեցնելու և իրադրությունը Արցախի Հանրապետության ամբողջ տարածքում կայունացնելու նպատակով Արցախի Հանրապետության իշխանությունները ՌԴ խաղաղապահ զորակազմի հետ ձեռնարկում են անհրաժեշտ բոլոր միջոցները։«Արմենպրես»-ին այս մասին տեղեկացրին Արցախի Հանրապետության անվտանգության խորհրդի գրասենյակից։
«Մասնավորապես, Ասկերանի շրջանի Խրամորթ գյուղին կից հատվածում իրականացվում է ԱՀ ուժային համապատասխան կառույցների և խաղաղապահ զորակազմի համատեղ ուժեղացված ծառայություն։
Իրավիճակը լիարժեք վերահսկվում է Արցախի Հանրապետության իշխանությունների և ՌԴ խաղաղապահ զորակազմի կողմից»,- ասվում է հաղորդագրության մեջ։
Արցախի Հանրապետության Անվտանգության խորհուրդը մեկ անգամ ևս կոչ է անում տուրք չտալ ոչ արժանահավատ լուրերին և հետևել միայն պաշտոնական տեղեկատվությանը։
Բաժանորդագրվեք մեր ալիքին Telegram-ում