Պոլսո Հայոց պատրիարքը ապաքինվել է կորոնավիրուսից
1 րոպեի ընթերցում
![Պոլսո Հայոց պատրիարքը ապաքինվել է կորոնավիրուսից](http://armenpress.am/resized/480/static/news/b/2022/01/1073873.jpg)
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Պոլսո Հայոց Սահակ Բ պատրիարքն ապաքինվել է կորոնավիրուսից: «Արմենպրես»-ի փոխանցմամբ, այս մասին հայտնում է Պոլսո Հայոց պատրիարքարանը:
Հունվարի 13-ին պատրիարքի կորոնավիրուսի թեստը դրական արդյունք էր ցույց տվել, ինչից հետո նա մեկուսացել էր պատրիարքարանի առանձնարանում:
Պատրիարքարանից հայտնում են, որ հունվարի 24-ին արված թեստի պատասխանը բացասական է եղել, և Պոլսո Հայոց պատրիարքը վերադարձել է իր ծառայությանը: