Պուտինը փաստաբան Ռուբեն Մարկարյանին պարգևատրել է «Հայրենիքին մատուցած ծառայությունների» համար 2-րդ աստիճանի մեդալով
1 րոպեի ընթերցում
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինի հրամանագրով Հայ Առաքելական եկեղեցու Ռուսաստանի և Նոր-Նախիջևանի թեմի կենտրոնական կրոնական կազմակերպության անվճար իրավաբանական օգնության կենտրոնի ղեկավար Ռուբեն Վալերիի Մարկարյանը պարգևատրվել է «Հայրենիքին մատուցած ծառայությունների» համար 2-րդ աստիճանի մեդալով:
Ինչպես հաղորդում է «Արմենպրես»-ը `վկայակոչելով Կրեմլի պաշտոնական կայքը, Մարկարյանը պարգևատրվել է մեդալով` աշխատանքում ձեռք բերած նվաճումների և տարիներ շարունակ կատարված բարեխիղճ աշխատանքի համար: