1 րոպեի ընթերցում
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Արցախում ՊԲ ուժերի ու կամավորականների գործողությունների արդյունքում թշնամական ահաբեկչական խմբավորումները, հատուկ նշանակության ստորաբաժանումները կրել են մարդկային ու ռազմատեխնիկական մեծ կորուստներ: «Արմենպրես»-ի հաղորդմամբ, այս մասին տեղեկացնում է Արցախի Պաշտպանության բանակը:
«Վերջին օրերին տեղի ունեցած և առայսօր հարավարևելյան ճակատային գծում (Շեխեր-Կարմիր Շուկա – Թաղավարդ բնագիծ) շարունակվող մարտական գործողությունների արդյունքում ՊԲ ուժերն ու կամավորականները հակառակորդի համար իսկական դժոխք են կազմակերպել մեր անտառներում ու ձորերում: Թշնամական ահաբեկչական խմբավորումները, հատուկ նշանակության ստորաբաժանումները կրել ու շարունակում են կրել մարդկային ու ռազմատեխնիկական մեծ կորուստներ:
Թշնամական ուժերի տեղաբաշխման շրջաններում ներկա դրությամբ շարունակվում են լրահետախուզման և կրակային խոցման գործողությունները»,- նշված է հաղորդագրությունում: