3 րոպեի ընթերցում
ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: Ամերիկյան The Wall Street Journal (WSJ) թերթը պնդում Է, որ Թուրքիայի հետ կապված հարյուրավոր զինյալներ Սիրիայից արագ տեղափոխվել են Լեռնային Ղարաբաղի հակամարտության գոտի: Համապատասխան նյութը հրատարակությունը հրապարակել Է հոկտեմբերի 13-ին, տեղեկացնում Է «Արմենպրես»-ը:
Հոդվածում նշվել է, որ Թուրքիայի հետ կապված սիրիական զինված խմբավորումների հարյուրավոր անդամներ մասնակցել են Լեռնային Ղարաբաղի դեմ մարտերին: Հրատարակության տվյալներով՝ «եւս հարյուրավորները պատրաստվում են ճանապարհվել»:
Հոդվածում նշված Է, որ այս տեղեկատվությունը հավաստել են թերթի երկու աղբյուներ Սիրիայում, որոնք կապված են զինյալների տեղափոխման հետ: Հրատարակության աղբյուրների վարկածով՝ հուլիսից «սիրիական խմբավորումների շրջանում սկսել Է տարածվել տեղեկատվություն, որ Թուքիան հավաքագրում Է զինյալների մարտական գործողությունների մասնակցելու համար»: Թերթի տվյալներով՝ սեպտեմբերի կեսերից սկսել Է Սիրիայից զինյալների ուղարկումը հակամարտության գոտի «խմբերով՝ մեկ անգամով մինչեւ 100 հոգի թվաքանակով»: Սիրիայում հրատարակության աղբյուրը, որը կապված Է զինված խմբավորումների հետ, նշել Է, որ արագ ուղարկել են հարյուրավոր մարդիկ, սակայն «տասնյակներն արդեն վերադարձել են՝ անհանգստացած մարտերի դաժանությունից»:
Նյթութի մեջ բերված Է սիրիացի վարձկանի խոսքը, որի վարկածով՝ Սիրիայի Արաբական Հանրապետությունից Լեռնային Ղարաբաղի դեմ ժամանած զինյալներն ամսական մինչեւ 2 հազար դոլար վարձատրություն են ստանում: Մի այլ աղբյուրի վարկածով՝ «սիրիացի մարտկների թվում կորուստներն արագորեն աճում են»: Ինչպես նշել Է նա, «շուրջ 200 (սիրիացիներ) արդեն խնդրել են իրենց հետ վերադարձնել»:
Հրապարակման մեջ ասված Է, որ Թուրքիան Ադրբեջանում կազմակերպել Է զինավարժանքներ երկու շաբաթ տեւողությամբ եւ «Ադրբեջանի իշխանություններին Է տրամադրել հարվածային անօդաչուներ»: Հրատարակությունը նշում Է, որ Թուրքիան, ԱՄՆ-ի պաշտպանության նախարարության տվյալների համաձայն՝ ավելի վաղ կազմակերպել Է Սիրիայից Լիբիա 5 հազար զինյալների առաքումը: «Առաքումը Լիբիա կամ Ադրբեջան դարձել Է նորմալ երեւույթ»,- հոդվածում մեջբերում Է արված Է Սիրիայում հրատարակության աղբյուրի խոսքից: «Մարդկանց համար արդեն միեւնույն Է հանուն ինչի կամ ում դեմ կռվեն, այժմ նարանք հարցնում են սոսկ փողի մասին: Նրաք կմեկնեն այնտեղ, որտեղ փողն Է»,- հավելել Է նա: