ՀՀ վարչապետը հրապարակել է Արցախի դեմ մարտերում ահաբեկիչների ներգրավվածությունը փաստող տեսանյութ
1 րոպեի ընթերցում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Թուրք-ադրբեջանական տանդեմը ընդդեմ Արցախի հավաքագրել եւ գործի է դրել ահաբեկչական ամենատարբեր խմբերի ներկայացուցիչներին։ Հոկտեմբերի 11-ին «Ֆեյսբուք» սոցիալական ցանցի իր էջում ՀՀ վարչապետ Նիկոլ Փաշինյանը հրապարակել է տեսանյութ, որում անհերքելի ապացույցներ են բերվում Արցախի դեմ ռազմական գործողություններում ահաբեկչական խմբավորումների վարձկանների ներգրավվածության մասին:
«Սա է այսօրվա պատերազմի իրական երեսը։ Թուրք-ադրբեջանական տանդեմը ընդդեմ Արցախի հավաքագրել եւ գործի է դրել ահաբեկչական ամենատարբեր խմբերի ներկայացուցիչներին։
Աշխարհի հայությունը պայքարի ոչ բռնի, խաղաղ, օրինական միջոցներով պետք է այս աղաղակող փաստը դնի աշխարհի առաջ եւ կենտրոնանա հետեւյալ օրակարգի վրա. Արցախի դեմ ահաբեկչական հարձակման դատապարտում եւ Արցախի անկախության ճանաչում։
Եվ իհարկե՝ բոլոր հնարավոր մեթոդներով աջակցություն Արցախին՝ դիմակայելու այս փորձությանը»,-«Արմենպրես»-ի հաղորդմամբ՝ գրել է վարչապետ Փաշինյանը։