1 րոպեի ընթերցում
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի արտաքին գործերի նախարար Զոհրաբ Մնացականյանն ու Ռուսաստանի արտաքին գործերի նախարար Սերգեյ Լավրովը հեռախոսազրույց են ունեցել: «Արմենպրես»-ի փոխանցմամբ՝ այս մասին հայտնում է ՌԴ արտաքին գործերի նախարարության պաշտոնական կայքը:
Հաղորդագրության մեջ նշվում է, որ ուշադրության կենտրոնում է եղել Լեռնային Ղարաբաղի հակամարտության գոտում ստեղծված իրավիճակից դուրս գալու ուղիների որոնումը: Ռուսական կողմը մտահոգություն է հայտնել քաղաքացիական բնակչության շրջանում զոհերի թվի աճի կապակցությամբ:
Վերահաստատվել է Լեռնային Ղարաբաղի հակամարտության կարգավորումը ԵԱՀԿ Մինսկի խմբի հովանու ներքո և Ռուսաստանի, ԱՄՆ-ի և Ֆրանսիայի նախագահների համատեղ հայտարարությանը համահունչ քաղաքական-դիվանագիտական դաշտ վերադարձնելու պատրաստակամությունը: