Կիևում նշում են Ուկրաինայի հայկական հնագույն եկեղեցիներից մեկի տոնը

ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Հայ Առաքելական եկեղեցին սեպտեմբերի 8-ին նշում է Սուրբ Աստվածածնի ծննդյան տոնը, իսկ Կիևի հայերի համար այդ օրը նաև Աստվածածնի ծնունդի եկեղեցական տոնն է, որն ավելի վաղ նշվել է Պոդոլե բնակավայրում։ «Արմենպրես»-ի հաղորդմամբ՝ այս մասին AnalitikaUa.net-ի հետ զրույցում տեղեկացրել է սրբազան Մարկոս Հովհաննիսյանը՝ հավելելով, որ տոնի առթիվ երեկոյան պատարագ կմատուցվի։

«Ինչպես նշեց կրոնագետ Ռուսլան Խաչիկովը, Սուրբ Աստվածածնի ծննդյան տոնը, ամենակարեւոր քրիստոնեական տոներից մեկն է`եկեղեցական տոնացույցի տարվա առաջին տոնը, որը նշվում է սեպտեմբերի սկզբին։ «Աստվածածնի հետ կապված հիշատակման օրերը առանձնահատուկ կարեւորություն են ունեցել Ուկրաինյաի համար` հերիք է նշել, որ կարեւորագույն վանական համալիրներից չորսը նվիրված են Աստվածածնին, որոնցից երեքը ուղղափառ, իսկ չորրորդը հունական կաթոլիկ եկեղեցին է։ Կույս Մարիամը համարվում է Կիեւի երկնային հովանավորներից մեկը, ինչպես բյուզանդական Կոստանդնուպոլսի հովանավորն էր համարվում ժամանակին։ Աստվածածնի ընդգծված պաշտամունքը ցույց է տալիս Ուկրաինայի եւ Կիեւի վրա բյուզանդական խոշոր ազդեցությունը»։

Գիտնականների տվյալների համաձայն`13-14-րդ դարերում հայերի խիտ բնակեցման շրջանում եկեղեցին գտնվում էր Պոդոլում`ներկայիս Պոկրովսկայայի փողոցում։

Ինչպես նշում է Ուկրաինայի հայերի միության պատմամշակութային ժառանգության ղեկավար Դավիթ Դավթյանը, Կիեւի Սուրբ Աստվածածնի հայկական եկեղեցու պատմությունը պետք է վերաարժեվորոլ եւ վերանայել։

Չնայած եկեղեցին չի պահպանվել, սակայն Կիեւի հայերը նշում են եկեղեցական տոնը։ Կիեւում այսօր կա երկու եկեղեցի, իսկ միության նախագահ Վիլեն Շատվորյանի նախաձեռնությամբ կառուցվում է Արեւելյան Եվրոպայի ամենամեծ հայկական վանական համալիրը։

Հիշեցնենք, որ Ուկրաինայի հայերի միությունը ակտիվ աշխատանք է տանում հայկական պատմամշակութային ժառանգության քարոզի, դրա նկատմամբ հետաքրքրություն առաջացնելու ուղղությամբ։ Ինչպես նշել է Վիլեն Շատվորյանը`մեծ ուշադրություն է հատկացվում պատմամշակութային ժառանգությանը. «Մենք հպարտանում ենք Ուկրաինայի հայերի հարուստ պատմա-մշակութային ժառանգությամբ եւ կանենք ամեն ինչ ավելի ճանաչելու դարձնելու համար հայերի պատմական, ճարտարապետական եւ մշակութային ժառանգությունը»»,- ասվում է հաղորդագրության մեջ։