398.74
«Հայփոստը» պատրաստվում է Չինաստանում հիմնել դուստր կազմակերպություն
1 րոպեի ընթերցում
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: «Հայփոստ» ՓԲ ընկերությունը պատրաստվում է դուստր կազմակերպություն հիմնել Չինաստանում:
«Արմենպրես»-ի փոխանցմամբ՝ այս մասին օգոստոսի 26-ին տեղի ունեցած մամուլի ասուլիսի ընթացքում ասաց ՀՀ բարձր տեխնոլոգիական արդյունաբերության նախարար Հակոբ Արշակյանը:
«Վերաբացվել է ԱՄՆ Դելավեր նահանգում գործող «Հայփոստի» դուստր կազմակերպությունը, ինչը կխթանի ԱՄՆ-ի հետ առևտրաշրջանառությունը: Ընկերությունը պատրաստվում է դուստր կազմակերպություն հիմնել նաև Չինաստանում»,- ասաց Արշակյանը:
Նախարարը նշեց, որ ընթացքի մեջ են Ռուսաստանի Դաշնության փոստային ծառայության հետ երկկողմ բանակցությունները, որոնց արդյունքում զարգանալու են բազմաթիվ նոր փոստային լոգիստիկ ծառայություններ: Համագործակցույթան արդյունքում կխթանվի նաև Հայաստանից Ռուսաստան փոքր բեռների առաքումը:
Հակոբ Արշակյանը հավելեց, որ մշակման փուլում է «Հայփոստի» զարգացման նոր ռազմավարությունը:
Նորայր Շողիկյան
Բաժանորդագրվեք մեր ալիքին Telegram-ում