ՊՍԺ-ն պատմության մեջ առաջին անգամ ՉԼ եզրափակիչում է
1 րոպեի ընթերցում
![ՊՍԺ-ն պատմության մեջ առաջին անգամ ՉԼ եզրափակիչում է](http://armenpress.am/resized/480/static/news/b/2020/08/1025308.jpg)
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Ֆուտբոլի Չեմպիոնների լիգայի կիսաեզրափակչում մրցեցին Ֆրանսիական ՊՍԺ-ն և գերմանական «Լայպցիգ»-ը:
«Արմենպրես»-ի հաղորդմամբ` Ֆրանսիայի բազմակի չեմպիոնը 13-րդ րոպեին բացեց հանդիպման հաշիվը: Աչքի ընկավ Մարկինյոն: Այնուհետ` առաջին կեսի վերջնամասում Անխել դի Մարիոն խփեց ՊՍԺ-ի երկրորդ գնդակը, իսկ 56-րդ րոպեին Խուան Բերնատ Վելասկոն հեղինակեց իր թիմի երրորդ գնդակը: ՊՍԺ-ն այս հաղթանակով դուրս եկավ Չեմպիոնների լիգայի եզրափակիչ, այն էլ իր պատմության մեջ առաջին անգամ:
Կիսաեզրափակչի մյուս խաղում օգոստոսի 20-ին կմրցեն «Լիոն»-ը և «Բավարիա»-ն: Այդ հանդիպումը կմեկնարկի Երևանի ժամանակով 23:00-ին:
Եզրափակիչը կկայանա օգոստոսի 23-ին:
Պատրաստեց Վարվառա Հայրապետյանը