Ուկրաինայի Կրոպիվնիցկիում կառուցվելիք հայկական եկեղեցին կկոչվի սրբադասված Շուշանիկ թագուհու անունով
1 րոպեի ընթերցում
ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Ուկրաինայի Կիրովոգրադի մարզի Կրոպիվնիցկի մարզկենտրոնում կառուցվելիք հայկական եկեղեցին կանվանակոչվի սրբադասված Շուշանիկ թագուհու, «Արմենպրես»-ի տեղեկացմամբ, հաղորդում է «AnalitikaUA.net»-ը:
«Աշխատանքային հանդիպման ժամանակ վանքի մակետի դետալները քննարկել են Հայ առաքելական եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանն ու Կիրովոգրադի մարզի Ուկրաինայի հայերի միության նախագահ Տիգրան Խաչատրյանը:
Խաչատրյանը հայտնել է, որ հայկական եկեղեցին կդառնա մշակութային տեսարժան վայր ոչ միայն հայերի, այլ նաեւ ողջ Ուկրաինայի համար:
Ապագա վանական համալիրի էսքիզը հրապարակվել էր 2020 թվականի փետրվարին:
Կիրովոգրադի մարզի Կրոպիվնիցկի մարզկենտրոնում առաջին հայկական եկեղեցին կկառուցվի Ինգուլ գետի ափին: Հողատարածքը գտնվում է Միխայլովսկի փողոցում եւ զբաղեցնում է 1100 քառ. մ»,- նշված է հաղորդագրության մեջ: