1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Հունահռոմեական ոճի ըմբիշները սկսում են մարզական հավաքը:
«Արմենպրես»-ի հաղորդմամբ` այս մասին հայտնում է ըմբշամարտի ֆեդերացիան: Ուսումնամարզական հավաքն անցկացվում է Ծաղկաձորում և կորոնավիրուսի պանդեմիայի պատճառով փակ կլինի կողմնակի անձանց համար: Հավաքը կտևի մինչև օգոստոսի 11-ը:
Ավելի վաղ հայտնի էր դարձել, որ hունահռոմեական ոճի ըմբշամարտի հավաքականի երեք անդամ վարակված են կորոնավիրուսով:
Հունահռոմեական ոճի ընտրանին հուլիսի սկզբին պետք է հավաք անցկացներ Ծաղկաձորում, սակայն այն չեղարկվել էր` մինչ ըմբիշները կբուժվեն:
Ազատ ոճի ընտրանու բոլոր անդամները կորոնավիրուսի թեստ հանձնելուց հետո հուլիսի 15-ից հավաք են անցկացնում Ծաղկաձորի սպորտային կենտրոնում, որը փակ է արտաքին աշխարհից և նույնիսկ այս օրերի համար խանութ է բացվել բազայի ներսում` ապահովելով շփումների սահմանափակությունը և, հետևաբար, մարզիկների անվտանգությունը:
Պատրաստեց Վարվառա Հայրապետյանը