ՀՀ դեսպանը և Հայոց թեմի առաջնորդը Մոսկվայում հարգել են Հայոց ցեղասպանության զոհերի հիշատակը
1 րոպեի ընթերցում
![ՀՀ դեսպանը և Հայոց թեմի առաջնորդը Մոսկվայում հարգել են Հայոց ցեղասպանության զոհերի հիշատակը](http://armenpress.am/resized/480/static/news/b/2020/04/1013395.jpg)
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Ռուսաստանում ՀՀ դեսպան Վարդան Տողանյանը և Հայ Առաքելական եկեղեցու Ռուսաստանի և Նոր Նախիջևանի Հայոց թեմի առաջնորդ Եզրաս արքեպիսկոպոս Ներսիսյանը ծաղիկներ են խոնարհել Մոսկվայի եկեղեցական համալիրի տարածքում տեղադրված Հայոց ցեղասպանության զոհերի հիշատակը հավերժացնող հուշակոթողին։
Ինչպես «Արմենպրես»-ը տեղեկացավ «Ֆեսյբուք»-ում Ռուսաստանում Հայաստանի դեսպանության էջից, արարողությանը մասնակցել են նաև դեսպանության դեսպանորդ Բորիս Սահակյանն ու դիվանագիտական ներկայացուցչությանը կից ռազմական կցորդ Արմեն Լալայանը։
Ապրիլի 24-ի առավոտյան Մոսկվայի Սուրբ Պայծառակերպություն եկեղեցում մատուցվել է Սուրբ Պատարագ, որի ավարտին կատարվել է Հայոց ցեղասպանության սուրբ նահատակների բարեխոսական կարգ։