Փաշինյանի կառավարությունը շարունակում է վայելել բարձր ժողովրդականություն. Amnesty International
1 րոպեի ընթերցում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Նիկոլ Փաշինյանի կառավարությունը շարունակում է վայելել համեմատաբար բարձր ժողովրդականություն, որն իրականացնում է համակարգային կոռուպցիայի դեմ եռանդուն արշավ` միաժամանակ խոստանալով «անցումային արդարադատություն»՝ ուղղված նախորդ կառավարության կողմից իշխանությունների չարաշահման դեպքերին։ «Արմենպրես»-ի հաղորդմամբ՝ այս մասին նշված է Amnesty International-ի զեկույցի Հայաստանին վերաբերող հատվածում։
«Նոր հրատարակված հակակոռուպցիոն ռազմավարությունը խոստանում է ստեղծել մասնագիտացված պետական մարմիններ` կոռուպցիայի դեմ պայքարի համար... Այստեղ հետաքննություն է սկսվել ընտանեկան 378 բռնությունների գործով: Հայաստանում նորից գրանցվել են բռնության դեպքեր սեռական փոքրամասնությունների դեմ, խտրականության դրսևորումներ` ընդդեմ հաշմանդամություն ունեցող անձանց»,- ասվում է զեկույցում։