Գազի գնի նվազեցման հարցով բանակցություններ սկսելու առաջարկին ռուսական կողմը դեռ չի պատասխանել
1 րոպեի ընթերցում
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ։ Ռուսական կողմը դեռ չի պատասխանել սահմանին գազի գնի նվազեցման հարցով բանակցություններ սկսելու փոխվարչապետ Մհեր Գրիգորյանի առաջարկին։ «Արմենպրես»–ի փոխանցմամբ` այս մասին Գրիգորյանն ասաց ապրիլի 9ին հրավիրված մամուլի ասուլիսում։
«Դեռ պատասխան չկա։ Կարծում եմ, որ աշխատանքային և հանգստյան օրերի խնդիր էլ կա, և ռուսական կողմի պատասխանը կլինի քիչ ավելի ուշ»,– ասաց Գրիգորյանը։
Մարտի 31–ին Հայաստանի Հանրապետության փոխվարչապետ Մհեր Գրիգորյանը Կառավարության անունից Հայաստան մատակարարվող գազի գնի փոփոխության վերաբերյալ նոր բանակցություններ սկսելու նամակով դիմել է «Գազպրոմ» ՀԲԸ վարչության նախագահ Ալեքսեյ Միլլերին:
Նորայր Շողիկյան