Զվարթնոցում կորոնավիրուսի ներթափանցումը կանխարգելող աշխատանքները շարունակվում են ուժեղացված ռեժիմով
1 րոպեի ընթերցում
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ։ Զվարթնոց օդանավակայանում կորոնավիրուսի ներթափանցումը կանխարգելելու վերահսկողական աշխատանքները շարունակվում են ուժեղացված ռեժիմով։ Արմենպրեսի փոխանցմամբ՝ այս աշխատանքներն անձամբ վերահսկում է ՀՀ առողջապահական եւ աշխատանքի տեսչական մարմնի ղեկավար Հակոբ Ավագյանը։ Տեսչական մարմնի թիմն օդանավակայանում ջերմաչափում է երկիր մուտք գործող բոլոր անձանց, զննում նրանց մոտ կասկածելի ախտանշանների առկայությունը։
Հռոմից ՀՀ քաղաքացիներին տեղափոխող հատուկ չվերթի օդանավը Երևան կժամանի այս գիշեր։ Բոլոր քաղաքացիները կտեղափոխվեն հատուկ բնակության վայր 14-օրյա ժամկետով։