1 րոպեի ընթերցում
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: «Թումո» ստեղծարար տեխնոլոգիաների կենտրոնի տնօրինությունը նոր տիպի կորոնավիրուսի տարածման պատճառով որոշում է կայացրել դադարեցնել Փարիզի և Բեյրութի մասնաճյուղերի դասընթացները: «Արմենպրես»-ի հետ զրույցում այս մասին ասաց «Թումո»-ի հաղորդակցման, միջոցառումների և հանրության հետ կապերի բաժնի ղեկավար Զարուհի Բուդաղյանը:
« «Թումո»-ի տնօրինությունը որոշել է փակել Փարիզի և Բեյրութի մասնաճյուղերը առողջապահական նկատառումներից ելնելով: Ներկայումս Փարիզի մասնաճյուղում կա ավելի քան 1000 ուսանող, իսկ Բեյրութում՝ մոտ 300»,- նշեց Բուդաղյանը:
Մարտի 12-ին Թումո ստեղծարար տեխնոլոգիաների կենտրոնի տնօրինությունը որոշում էր կայացրել նոր տիպի կորոնավիրուսի տարածման պատճառով Հայաստանի երեք և Արցախի մեկ մասնաճյուղերում դադարեցնել դասընթացները մինչև ապրիլի 12-ը:
«Թումո»-ի մասնաճյուղեր կան Երևանում (15 հազար ուսանող), Գյումրիում (2200 ուսանող), Դիլիջանում (350 ուսանող) և Ստեփանակերտում (1000 ուսանող):