1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Կորոնավիրուսի տարածումը կանխարգելողմիջոցառումների շրջանակներում Հայաստանի Ազգային ժողովի անցակետում չափում են ներս մտնողների ջերմությունը: «Արմենպրես»-ի փոխանցմամբ՝ այդ անցակետով ներս են մտնում լրագրողները, ԱԺ պատգամավորների օգնականները, աշխատակազմը:
Անցակետում վստահեցրին, որ ջերմաչափում արվում է նաև մյուս անցակետում, որտեղից հիմնականում ներս են մտնում պատգամավորները: 37.5 աստիճան և ավելի ջերմություն ունեցողներին թույլ չեն տալիս մուտք գործել Ազգային ժողովի շենք:
Թե՛ անցակետերում, թե՛ Ազգային ժողովի շենքի միջանցքներում առկա են ախտահանող՝ անտիսեպտիկ գելեր: