Մշակույթ

Կամերային երաժշտության ազգային կենտրոնը կհամալրվի նոր երաժշտական գործիքներով

3 րոպեի ընթերցում

Կամերային երաժշտության ազգային կենտրոնը կհամալրվի նոր երաժշտական գործիքներով

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Ճապոնիայի կառավարության «Grassroots» մշակութային դրամաշնորհային աջակցության ծրագրով Կամերային երաժշտության ազգային կենտրոնը այս տարվա ընթացքում ձեռք կբերի ճապոնական Yamaha ապրանքանիշի ռոյալ, տիմպանիներ, թմբուկներ, քսիլոֆոն, գլյոկենշպիլ և այլ գործիքներ, որոնց առկայությունը հնարավորություն կտա երաժշտասեր հանրության առջև ներկայանալ առավել մեծ ու բազմաոճ երկացանկով:

«Արմենպրես»-ի հաղորդմամբ`երաժշտական գործիքների տրամադրման նախագծի համար պայմանագրի կնքման հանդիսավոր արարողությունը տեղի ունեցավ փետրվարի 26-ին ՀՀ ԿԳՄՍ նախարարությունում: Պայմանագիրը ստորագրեցին ՀՀ-ում Ճապոնիայի արտակարգ և լիազոր դեսպան Ջուն Յամադան և «Կամերային երաժշտության ազգային կենտրոն» ՊՈԱԿ-ի տնօրեն Նորայր Նազարյանը:

«Գաղտնիք չէ, որ ՀՀ-ում հատկապես երաժշտական գործունեությամբ զբաղվող կազմակերպությունները գործիքների լրջագույն խնդիր ունեն, և դա վերաբերում է նաև երաժշտական դպրոցներին, ուսումնարաններին: Պետական տարբեր ծրագրերով մենք ամեն տարի փորձում ենք լրացնել այդ մեծ պակասը, բայց պակասորդի ծավալն ու համալրման տեմպերը համատեղելի չեն, ուստի չափազանց կարևոր է տարբեր կազմակերպությունների, դիվանագիտական ներկայացուցչությունների աջակցությունն այս հարցում»,-նշեց ՀՀ ԿԳՄՍ փոխնախարար Արա Խզմալյանը:

Փոխնախարարը հորդորեց Նազարյանին տվյալ գործիքները ստանալուց հետո հայ-ճապոնական ստեղծագործական համերգով հանդես գալ:

Ջուն Յամադայի խոսքով`90 հազար 889 ԱՄՆ դոլարի չափով Ճապոնիայի դրամաշնորհային աջակցությունը կծառայի Կամերային երաժշտության ազգային կենտրոնի գործունեության զարգացմանը:

«Վերջին տասնամյակների ընթացքում Ճապոնիան Հայաստանում համագործակցել է տարբեր երաժշտական կառույցների հետ նոր գործիքներ տրամադրելու նպատակով, բայց առաջին անգամ է համագործակցում Կամերային երաժշտության ազգային կենտրոնի հետ: Բազմիցս վայելել եմ կենտրոնի գերազանց համերգները և գնահատում եմ իրական գեղարվեստականությունն ու անսահման երաժշտականությունը»,-շեշտեց դեսպանը:

Նորայր Նազարյանն էլ ասաց, որ կենտրոնի ռոյալները ոչ սարքին վիճակում են, և բարձրակարգ երաժիշտների հետ խնդիրներ են ունենում, քանի որ նրանք հրաժարվում են նվագել դրանց վրա: «Մենք խնդրեցինք պարոն դեսպանին իրականություն դարձնել նոր ռոյալ ունենալու մեր մեծ երազանքը: Կենտրոնը երբեք չի ունեցել հարվածային գործիքներ, ինչը նվագախմբերին հնարավորություն կտար ընտրել երկացանկ առանց մտահոգվելու անհրաժեշտ գործիքների մասին»,-նշեց Նազարյանն ու ասաց, որ այժմ կձերբազատվեն այդ մտահոգություններից:

Արվեստը ժամանակի սահմաններից դուրս․ Նկարիչների միությունում կբացվի Հաղթանակ Շահումյանի 80-ամյակին նվիրված ցուցահանդեսը

Մշակույթ

Արվեստը ժամանակի սահմաններից դուրս․ Նկարիչների միությունում կբացվի Հաղթանակ Շահումյանի 80-ամյակին նվիրված ցուցահանդեսը

Անահիտ աստվածուհու բրոնզե արձանի գլուխն ու ձեռքը Հայաստանի պատմության թանգարանում կցուցադրվեն սեպտեմբերի 21-ից

Մշակույթ

Անահիտ աստվածուհու բրոնզե արձանի գլուխն ու ձեռքը Հայաստանի պատմության թանգարանում կցուցադրվեն սեպտեմբերի 21-ից

ՀՀ ԿԳՄՍ նախարարն ու ԵՄ դեսպանը ծանոթացել են «Ստեղծագործ Եվրոպա» հայաստանյան գրասենյակի գործունեությանը

Մշակույթ

ՀՀ ԿԳՄՍ նախարարն ու ԵՄ դեսպանը ծանոթացել են «Ստեղծագործ Եվրոպա» հայաստանյան գրասենյակի գործունեությանը

Համաշխարհային օպերային աստղերի մասնակցությամբ համերգ` Գոհար Գասպարյանի 100-ամյակին

Մշակույթ

Համաշխարհային օպերային աստղերի մասնակցությամբ համերգ` Գոհար Գասպարյանի 100-ամյակին

Արմավիրի մարզի Լուկաշին գյուղում «Նոր գույներ» երիտասարդական մշակութային զարգացման կենտրոն է բացվել

Մշակույթ

Արմավիրի մարզի Լուկաշին գյուղում «Նոր գույներ» երիտասարդական մշակութային զարգացման կենտրոն է բացվել

Դիլիջանում կանցկացվի Արհեստների 2-րդ միջազգային փառատոնը

Մշակույթ

Դիլիջանում կանցկացվի Արհեստների 2-րդ միջազգային փառատոնը

«Ոսկե ծիրան»-ի «Վարպետ» մրցանակը հանձնվել է Տարսեմ Սինխին

Մշակույթ

«Ոսկե ծիրան»-ի «Վարպետ» մրցանակը հանձնվել է Տարսեմ Սինխին

Հայտնի են  «Ոսկե ծիրան» կինոփառատոնի GAIFF Pro հարթակի հաղթողները

Մշակույթ

Հայտնի են «Ոսկե ծիրան» կինոփառատոնի GAIFF Pro հարթակի հաղթողները

Հանրահայտ ջութակահար Ռոբի Լակատոշն իր երաժշտախմբով ելույթ կունենա Հայաստանում

Մշակույթ

Հանրահայտ ջութակահար Ռոբի Լակատոշն իր երաժշտախմբով ելույթ կունենա Հայաստանում

Հայկական ազգային հագուստը, ավանդույթներն ու մշակույթը կներկայացվեն վեցերորդ «ՏԱՐԱԶֆեստ»-ին

Մշակույթ

Հայկական ազգային հագուստը, ավանդույթներն ու մշակույթը կներկայացվեն վեցերորդ «ՏԱՐԱԶֆեստ»-ին

Հայ կի­նո­յի 100-ամ­յա արտադրան­քը՝ մեկ գրքում. կայացել է երկլեզու կատալոգի շնորհանդեսը

Մշակույթ

Հայ կի­նո­յի 100-ամ­յա արտադրան­քը՝ մեկ գրքում. կայացել է երկլեզու կատալոգի շնորհանդեսը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում