1 րոպեի ընթերցում
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: «Սանդենս» կինոփառատոնի հաղթողների ցուցակը հրապարակվել Է Deadline պորտալում, տեղեկացնում Է «Արմենպրես»-ը:
Գլխավոր մրցանակը շահել Է Լի Այզեկ Չունի «Մինարի» դրաման, որը պատմում Է կորեական ընտանիքի մասին, որը մեկնում Է Արկանզաս, որպեսզի այնտեղ ֆերմա գնի: Ժապավենը նաեւ հաղթել Է «Հանդիսատեսների համակրանքի մրցանակ» անվանակարգում:
«Ամերիկյան խաղարկային կինո» կատեգորիայում ռեժիսուրայի համար մրցանակն ստացել Է Ռադա Բլանկը, որը նկարահանել Է «40-ամյա վարկած» կատակերգությունը: Դերասանական կազմի համար ժյուրիի հատուկ մրցանակը բաժին Է հասել Էնջել Մանուել Սոթոյի «Շարմ-Սիթիի արքաները» աշխատանքին: «Սանդենս» կինոփառատոնը, որի կազմակերպիչը համանուն ինստիտուտն Է, 1985 թվականից անցկացվում Է ԱՄՆ-ի Յուտայում: 2019 թվականին գլխավոր մրցանակը բաժին Է հասել ռեժիսոր Չինոնիե Չուկվուի «Համաներում» ժապավենին: