Ժամանակը Երևանում՝ 11:07:36,   20 Փետրվար

Պոլսո Հայոց 85-րդ պատրիարքի ընտրությունը կկայանա դեկտեմբերի 11-ին

 Պոլսո Հայոց 85-րդ պատրիարքի ընտրությունը կկայանա դեկտեմբերի 11-ին

ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Պոլսո Հայոց 85-րդ պատրիարքի ընտրության վերջնական փուլին ընդառաջ՝ դեկտեմբերի 8-ին հայ համայնքի ներկայացուցիչները հայկական եկեղեցիներում քվեարկել են՝ ընտրելու աշխարհական պատվիրակների:

Պատրիարքի ընտրության համար պայքարում են երկու թեկնածուներ՝ Սահակ եպիսկոպոս Մաշալյանը և Արամ արքեպիսկոպոս Աթեշյանը:

«Արմենպրես»-ի հաղորդմամբ՝ համաձայն դեկտեմբերի 8-ի քվեարկության վերջնական արդյունքների՝ քվեարկության ընթացքում ձայների մեծամասնությունը ստացել են Մաշալյանին ներկայացնող պատվիրակները՝ 9008 քվե, իսկ Աթեշյանի պատվիրակները ստացել են միայն 3529-ը:

Այդպիսով, դեկտեմբերի 11-ին կայանալիք Պոլսո Հայոց պատրիարքի ընտրությանը Մաշալյանն ունենալու է 89 աշխարհիկ պատվիրակ, իսկ Աթեշյանը՝ 12: Այս պատվիրակներին ընտրության օրը կմիանան նախապես ընտրված 17 հոգևոր պատվիրակներ:

Քվեարկության ավարտից հետո Մաշալյանը Գեդիքփաշայի հայկական եկեղեցում հանդիպել է իր կողմնակիցների հետ և շնորհակալություն է հայտնել իր հանդեպ ցուցաբերված աջակցության համար:





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ