Ժամանակը Երևանում՝ 11:07:36,   6 Դեկտեմբեր

Հավաքականը պատրաստ է հույների դեմ խաղին. Խաշմանյան

Հավաքականը պատրաստ է հույների դեմ խաղին. Խաշմանյան

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի հավաքականը պատրաստ է Հունաստանի դեմ առաջիկա խաղին:

«Արմենպրես»-ի հաղորդմամբ` լրագրողների հետ հանդիպման ժամանակ նման հայտարարություն արեց հավաքականի նորանշանակ մարզիչ Աբրահամ Խաշմանյանը:

«Այսօրվա դրությամբ մենք այնքան էլ երանելի դրությունում չենք` հաշվի առնելով բազմաթիվ ֆուտբոլիստների կորուստը: Սա ֆուտբոլ է և նման բաներ պատահում են: Մենք իրավունք չունենք կառչել այդ փաստից: Մենք ունեինք երեք օր և փորձել ենք անել առավելագույնը: Ազգային թիմը պատրաստ է հույների դեմ խաղի»,-ասաց նա:

Մասնագետի խոսքով` ընտրանին մեկ նպատակ ունի հույներ դեմ խաղում` առավելագույնը քաղել խաղից: «Լավ ուսումնասիրել ենք Հունաստանի թիմին, նրանք ամբողջովին փոխել են կազմը: Կազմակերպված և արդյունավետ ֆուտբոլ են խաղում»,-շեշտեց մարզիչը:

Հունաստանի դեմ խաղում Հենրիխ Մխիթարյանի բացակայության պայմաններում ավագը կլինի Հովհաննես Համբարձումյանը:

Անդրադառնալով երիտասարդ ֆուտբոլիստներին տրվելիք հնարավորության մասին Խաշմանյանը շեշտեց, որ երազանքներով չպետք է առաջնորդվել: «Ի՞նչ երիտասարդ ֆուտբոլիստ ունենք հիմա: Ինչո՞վ պետք է սերնդափոխության անենք. Միայն խոսքերով: Հավաքականը փորձադաշտ չէ»,-ասաց նա: 

Եվրոպայի առաջնության ընտրական փուլի նախավերջին տուրում Հայաստանի հավաքականը Վազգեն Սարգսյանի անվան Հանրապետական մարզադաշտում նոյեմբերի 15-ին կընդունի Հունաստանին: Հանդիպումը կմեկնարկի 21:00-ին:

 

 




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ