ֆուտբոլի երիտասարդական թիմը պարտվեց Իռլանդիային
18:00, 14 Նոյեմբեր 2019
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի երիտասարդական ընտրանին պարտություն կրեց սեփական հարկի տակ` ընդունելով Իռլանդիային:
«Արմենպրես»-ի հաղորդմամբ` Ավանի ֆուտբոլի ակադեմիայում կայացած խաղի առաջին կեսում թիմերը չօգտագործեցին իրենց հնարավորությունները և ընդմիջման գնացին զրոյական ոչ-ոքի հաշվով: Երկրորդ կեսի 63-րդ րոպեին Իռլանդիան առաջ անցավ հաշվի: Գոլի հեղինակ դարձավ Էլբուզեդին: Այնուհետ հյուրերը մնացին 10 ֆուտբոլիստով, բայց նույնիսկ այդ դեպքում Հայաստանի հավաքականը պարտվեց նվազագույն հաշվով:
Այս պարտությունից հետո ընտրանին մրցաշարային աղյուսակում նախավերջին տեղում է: Հաջորդ խաղը երիտասարդական թիմը կանցկացնի նոյեմբերի 19-ին Իտալիայում:
Բաժանորդագրվեք մեր ալիքին Telegram-ում