387.58
Բուլղարիան աջակցում է Հայաստանին՝ երկխոսությամբ ԵՄ-ի հետ վիզայի ռեժիմի ազատականացմանը
1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Բուլղարիան աջակցում է Հայաստանին՝ Եվրամիության հետ երկխոսությամբ վիզայի ռեժիմի ազատականացմանը: «Արմենպրես»-ի հաղորդմամբ, ՀՀ արտաքին գործերի նախարար Զոհրաբ Մնացականյանի հետ ճեպազրույցում այս մասին նշեց Բուլղարիայի ԱԳ նախարար Եկատերինա Զախարիևան:
«Մենք ձեր աջակիցներից մեկն ենք: Ես կարծում եմ, որ երկխոսության միջոցով որոշ փոքր խնդիրներ կարելի է լուծել: Ես ողջունում եմ աշխատանքային խմբեր տարբեր երկրներ գործուղելու ՀՀ կառավարության որոշումը: Մենք կողմ ենք, որ երկխոսությունը սկսվի»,-ասաց Եկատերինա Զախարիևան:
ՀՀ-ԵՄ Համապարփակ և ընդլայնված գործընկերության համաձայնագիրը վավերացրել են Բուլղարիան, Չեխիան, Դանիան, Գերմանիան, Էստոնիան, Կիպրոսը, Լատվիան, Լիտվան, Լյուքսեմբուրգը, Հունգարիան, Մալթան, Լեհաստանը, Ռումինիան, Սլովակիան, Ֆինլանդիան, Միացյալ Թագավորությունը, Խորվաթիան: Համաձայնագիրը ենթադրում է ԵՄ-ի հետ վիզայի ռեժիմի ազատականացման երկխոսության հնարավորություն:
