Թուրքիան Սիրիայի հարցում պետք Է ավելի շատ աշխատի ոչ թե ՌԴ-ի, այլ ՆԱՏՕ-ի հետ. Պենտագոնի ղեկավար
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի պաշտպանության նախարար Մարկ Էսփերը պնդում Է, որ Թուրքիան Սիրիայի իրադրության կարգավորման հարցում պետք Է ավելի շատ աշխատի ոչ թե Ռուսաստանի, այլ ՆԱՏՕ-ի հետ: Պենտագոնի ղեկավարը համապատասխան դիրքորոշումը հայտնել Է՝ հոկտեմբերի 24-ին Բրյուսելում ելույթ ունենալով Մարշալի գերամանական հիմնադրամում, տեղեկացնում Է «Արմենպրես»-ը:
«Թուրքիան ոչ ճիշտ ռազմավարական ուղղությամբ Է շարժվում: Հարկ Է, որ նա ավելի շատ նայի ՆԱՏՕ-ի կողմը եւ ավելի քիչ՝ Ռուսաստանի կողմը»,-ասել Է նա՝ պատասխանելով Սիրիայի իրադրության շուրջ Անկարայի եւ Մոսկվայի սերտ համագործակցության վերաբերյալ հարցին: Էսփերը նաեւ չի համաձայնել այն տեսակետին, որ Սիրիայի շուրջ Ռուսաստանի եւ Թուրքիայի պայմանավորվածությունները ՌԴ-ի խոշորագույն դիվանագիտական ձեռքբերումն են: «Միայն ժամանակը ցույց կտա՝ Ռուսաստանն օգուտ կստանա արդյոք Սիրիայում իր գործաղություններից»,-հավելել Է նա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում