Արամ Հակոբյանը պարտություն է կրել ԱԱ-ի 7-րդ տուրում
21:11, 21 Հոկտեմբեր 2019
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Շախմատի աշխարհի երիտասարդների առաջնությունում Հայաստանից Արամ Հակոբյանն անսպասելի պարտություն կրեց:
«Արմենպրես»-ի հաղորդմամբ՝ հնդկական Նյու Դելի քաղաքում ընթացող ԱԱ-ի 7-րդ տուրում Հակոբյանը մրցեց Ուկրաինայի ներկայացուցչի հետ, ով մինչ այդ իր հետ մրցաշարային աղյուսակի առաջատարն էր: Պարտիայի 53-րդ քայլին հայ շախմատիստն անձնատուր եղավ:
Հայաստանի մյուս ներկայացուցիչներից Շանթ Սարգսյանը հաղթեց, իսկ Արթուր Դավթյանը կիսեց միավորը:
Արամ Հակոբյանը նահանջել է մրցաշարային աղյուսակում և 6-րդն է: Նա առաջատարին զիջում է մեկ միավոր:
Բաժանորդագրվեք մեր ալիքին Telegram-ում