ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանը հոկտեմբերի 18-ին որոշումներ է ստորագրել Համահայկական ամառային 7-րդ խաղերի կազմակերպման և անցկացման ընթացքում ներդրած ավանդի և ցուցաբերած նվիրումի համար մի խումբ անձանց  պարգևատրելու մասին:  

«Արմենպրես»-ի փոխանցմամբ՝ վարչապետի հուշամեդալով պարգևատրվել են՝

Հարություն Արամայիսի Յավրյանը  (Համահայկական խաղերի արարողակարգի ղեկավար),

Աննա Ռուբիկի Վարդանյանը (Համահայկական խաղերի լրատվության պատասխանատու),

Սևակ Խաժակի Կարապետյանը («Համահայկական կամավորական միություն» հասարակական կազմակերպության ղեկավար),

Ռիտա Յուրիի Աբրահամյանը (Երևանի քաղաքապետարանի «Շտապբուժօգնություն» փակ բաժնետիրական ընկերության 1-03 ծառայության պետ):

Նիկոլ Փաշինյանը Համահայկական ամառային 7-րդ խաղերի կազմակերպման և անցկացման աշխատանքների պատշաճ իրականացման համար Հայաստանի Հանրապետության վարչապետի շնորհակալագրով պարգևատրել է

Բագրատ Արմենի Դիվանյանին (Համահայկական խաղերի գլխավոր նկարիչ-դիզայներ)

Դավիթ Վարդգեսի Կարապետյանին (Համահայկական խաղերի տեխնիկական տնօրեն)

Մուշեղ Հենրիի Գառուկյանին (Համահայկական խաղերի եռաչափ պատկերների հեղինակ):