Գրիգոր Գրիգորյանը հաղթանակով մեկնարկեց ըմբշամարտի ԱԱ-ում
12:27, 21 Սեպտեմբեր 2019
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ: Ազատ ոճի ըմբշամարտի հավաքականի անդամ Գրիգոր Գրիգորյանը հաղթանակով մեկնարկեց աշխարհի առաջնությունում:
«Արմենպրես»-ի հաղորդմամբ` ղազախական Նուր-Սուլթան քաղաքում ընթացող աշխարհի առաջնությունում 79 կգ քաշային կարգի մեկնարկային գոտեմարտում Գրիգոր Գրիգորյանը մրցեց և 7:6 հաշվով հաղթեց վրացի Նիկա Կետրաձեին: Հաջորդիվ հայ ըմբիշը կմրցի Ուզբեկստանից Ռաշիդ Կուրբանովի հետ:
Ըմբշամարտի աշխարհի այս առաջնությունը վարկանիշային է Տոկիոյի 2020 թվականի 32-րդ ամառային Օլիմպիական խաղերի համար:
Բաժանորդագրվեք մեր ալիքին Telegram-ում