Արտգործնախարարն անդրադարձավ Իրանի հետ բարեկամական հարաբերությունները շարունակելուն
ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետությունը շարունակելու է Իրանի հետ բարեկամական հարաբերությունները:
«Արմենպրես»-ի փոխանցմամբ` սեպտեմբերի 6-ին հրավիրված մամուլի ասուլիսի ընթացքում այս մասին ասաց ՀՀ արտաքին գործերի նախարար Զոհրաբ Մնացականյանը:
«Իրանի հետ հարաբերություններում ունենք բավական ծավալուն օրակարգ, որի նպատակն է թե՛ տարածաշրջանային անվտանգության, թե՛ զարգացման բնագավառում խորացնել համագործակցությունն այնպես, որպեսզի կարողանանք արդյունքներ ձևավորել այս նպատակը հետապնդելու առումով: Սա մեր ազգային շահերից է բխում: Իրանի հետ մեր բարեկամական հարաբերությունները բավական ակտիվ շարունակել ենք: Հայաստանի անդամակցությունը ԵԱՏՄ-ում հնարավորություն է տալիս հետապնդել մեր շահերը նաև այդ շրջանակի միջոցով»,- ասաց Մնացականյանը:
Բաժանորդագրվեք մեր ալիքին Telegram-ում