ԵՀ-ում պատմել են վիրահատությունից հետո Յունկերի առողջական վիճակի մասին
16:19, 23 Օգոստոս 2019
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Եվրահանձնաժողովի (ԵՀ) ղեկավար Ժան-Կլոդ Յունկերը, որը վերջերս շտապ վիրահատության Է ենթարկվել, ապաքինվում Է: Այդ մասին, ինչպես տեղեկացնում Է «Արմենպրես»-ը, օգոստոսի 23-ին լրագրողներին հայտնել Է ԵՀ-ի ներկայացուցիչը:
«Յունկերը վիրահատությունից հետո ապաքինվում Է: Այժմ նա գտնվում Է արդեն Լյուքսեմբուրգի իր տանը, ապաքինումը հաջողությամբ Է ընթանում»,- ճեպազրույցում հայտնել Է ԵՀ-ի ներկայացուցիչ Մինա Անդրեեւան:
Նրա խոսքով՝ Յունկերն աշխատանքի կարող Է ձեռնամուխ լինել արդեն հաջորդ շաբաթ:
Ինչպես տեղեկացվել Էր օգոստոսի 17-ին, ԵՀ-ի ղեկավարն առողջական խնդիրների պատճառով ընդհատել Էր իր արձակուրդը եւ ուղարկվել Լյուքսեմբուրգ, որտեղ նա պետք Է ենթարկվեր շտապ խոլեցիստեկտոմիայի՝ լեղապարկի վիրահատական հեռացման: Նա չի մասնակցելու G7-ի՝ Ֆրանսիայում կայանալիք գագաթնաժողովին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում