Ժամանակը Երևանում՝ 11:07:36,   10 Ապրիլ

Թուրքական «Յավուզ» նավը սկսել է հորատման աշխատանքները

Թուրքական «Յավուզ» նավը սկսել է հորատման աշխատանքները

ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Թուրքական «Յավուզ» նավը սկսել է հորատման աշխատանքներ իրականացնել Միջերկրական ծովի արևելյան շրջաններում:

Այս մասին, ինչպես հաղորդում է «Արմենպրես»-ը, հայտնում է թուրքական «Հաբերլեր» լրատվամիջոցը:

«Յավուզ»-ը թուրքական երկրորդ նավն է, որը հորատման աշխատանքներ է իրականացնում Միջերկրականի արևելքում: Ըստ տեղեկությունների՝ այն երկուս ու կես ամիս աշխատելու է Կիպրոս կղզու արևելյան շրջաններում:

Նավի անձնակազմը բաղկացած է 140 հոգուց, որոնք 12 ժամ աշխատելուց հետո կարող են օգտվել նավի ժամանցի սրահներից:

Թուրքիայի կողմից Կիպրոսի Հանրապետության բացառիկ տնտեսական գոտում հորատման աշխատանքները սկսվել էին դեռ ավելի վաղ: Թուրքիայի՝ հորատման աշխատանքներ իրականացնող առաջին նավը՝ Ֆաթիհը, դեռ մայիսին հորատման աշխատանքներ էր սկսել Կիպրոսի արևմտյան շրջաններում: Իսկ երկրորդ նավը՝ Յավուզը, հունիսի 20-ին Թուրքիայի Քոջաելլի նահանգի նավահանգստից սկսելով ուղևորությունը, հուլիսի 8-ի գիշերը հասել էր կղզու հյուսիսարևելյան ափերին: 

Թուրքիայի կողմից Կիպրոսի բացառիկ տնտեսական գոտում իրականացվող հորատման աշխատանքները շարունակելու հետ կապված ԵՄ-ն հուլիսի 15-ին հրապարակել էր Թուրքիայի դեմ իրականացվելիք պատժամիջոցները: Հիմնավորում էր հանդիսացել այն փաստը, որ Թուրքիայի կողմից իրականացվող հորատման աշխատանքները հակասում են միջազգային իրավունքի նորմերին: Սակայն Թուրքիան պաշտոնապես հայտարարել էր, որ չի դադարեցնելու հորատման աշխատանքները:

 




Այս թեմայով









https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ