Ամերիկացի նյարդաֆիզիոլոգները սովորել են «լսել» մարդու մտքերը
16:26, 31 Հուլիս 2019
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Ամերիկացի կենսաբաններն ստեղծել են նեյրոչիպ, որը կարող Է ընթերցել ուղեղի լսողության կենտրոնի ազդանշաններն իրական ժամանակի ռեժիմով եւ վերծանել այն, ինչը լսում կամ ասում Է մարդը: Այդ տեխնոլոգիան կվերադարձնի կաթվածահար եւ համր մարդկանց խոսելու ունակությունը: Այդ մասին, ինչպես տեղեկացնում Է «Արմենպրես»-ը, գրում են գիտնականները Nature Communications հանդեսում:
«Մենք ցույց տվեցինք, որ կարող ենք ուղղակիորեն ընթերցել ազդանշանները գլխուղեղի կեղեւի մակերեւույթից, որպեսզի վերծանենք այն, ինչն ընկալում կամ ասում Է այս կամ այն մարդը՝ շատ ժամանակ չկորցնելով դրա համար: Դա մեծ քայլ Է նյարդապրոթեզների ստեղծման ճանապարհին, որոնք կվերադարձնեն այն մադկանց խոսելու ունակությունը, ովքեր այժմ զրկված են դրանից»,- հայտարարել Է Ջոշ Չարտիեն Սան Ֆրանցիսկոյի Կալիֆոռնիայի համալսարանից (ԱՄՆ), հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում