Ժամանակը Երևանում՝ 11:07:36,   17 Օգոստոս

Դեսպան Մկրտչյանը հանդիպել է Լիտվայի ոստիկանության պետի հետ


ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Լիտվայում ՀՀ դեսպան Տիգրան Մկրտչյանը հուլիսի 30-ին հանդիպել է Լիտվայի ոստիկանության պետ Լինաս Պերնավասին (Linas Pernavas): Ինչպես «Արմենպրես»-ին տեղեկացրեցին ՀՀ ԱԳՆ լրատվության և հանրային դիվանագիտության վարչությունից, հանդիպմանը դեսպան Մկրտչյանը ներկայացրեց ՀՀ ոստիկանության համակարգում բարեփոխումների ընթացքը՝ հավելելով, որ Լիտվայի փորձն այս ասպարեզում կարող է մեծապես օգտակար լինել Հայաստանի համար:

Լինաս Պերնավասն իր հերթին նշեց, որ Լիտվայի և Հայաստանի ոստիկանությունների միջև Ինտերպոլի շրջանակներում առկա է սերտ փոխգործակցություն, և իր պատրաստակամությունը հայտնեց երկու գերատեսչությունների միջև ավելի բարձր մակարդակի համագործակցություն հաստատելու: Կողմերն անդրադարձան նաև հանցավորության դեմ պայքարում տեղեկատվության փոխանակմանը, երկկողմ բարձրաստիճան այցելությունների կազմակերպմանը, ինչպես նաև փոխադարձ հետաքրքրություն ներկայացնող մի շարք այլ հարցերի:




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ