ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ: ԱՄՆ-ի ներկայացուցիչները «Թալիբան» արմատական շարժման հետ կայացած կոնսուլտացիաներում նշել են երկուսուկես տարվա ընթացքում երկրից ամերիկյան զորքերի դուրսբերման հնարավորությունը: Ինչպես տեղեկացնում Է «Արմենպրես»-ը, այդ մասին ասված Է այն հոդվածում, որը հուլսի 7-ին հրապարակվել Է The Wall Street Journal (WSJ) թերթում:

Հրատարակության աղբյուրի խոսքով՝ ԱՄՆ-ը հնրավոր Է համարել, որ զորքերն Աֆղանստանից դուրս բերվեն 2,5 տարվա ընթացքում: 0Ինչպես նշված Է հրապարակման մեջ, ավելի վաղ խոսք Էր գնում երեք տարվա մասին: Ինչպես պարզաբանել Է աղբյուրը, «Թալիբան» շարժման ներկայացուցիչները պնդել են, որ օտարերկրացի զինծառայողները պետք Է «երկրից հեռանան ինն ամսվա ընթացքում»:

Աֆղանստանի խնդրով ԱՄՆ-ի հատուկ ներկայացուցիչ Զալմայ Խալիզադը հուլսի 6-ին Twitter-ում հայտնել Է, որ Կատարում «Թալիբան» շարժման հետ բանակցությունների վերջին փուլը եղել Է ամենաարդյունավետն ամբողջ ժամանակ: Նա նաեւ նշել Է, որ կոնսուլտացիաները դադարեցված են եւ կվերսկսվեն հուլիսի 9-ին:

Հուիսին ԱՄՆ-ի պետքարտուղար Մայքլ Փոմպեոն հայտարարել Է, որ Վաշինգտոնը հնարավոր Է համարում Աֆղանստանում «Թալիբան» շարժման հետ հաշտության հասնել մինչեւ սեպտեմբերի 1-ը: Նա այն ժամանակ հերքել Է թալիբների ներկայացուցիչների այն պնդումները, թե ամերիկացիներն արդեն իրենց են հանձնել Աֆղանստանից իրենց զորեքերի դուրսբերման նախնական գրաֆիկը, հաղորդել Է ՏԱՍՍ-ը: