ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Եվրախորհրդի խորհրդարանական վեհաժողովը (ԵԽԽՎ) Ռուսաստանին պաշտոնապես հրավիրել Է մասնակցելու հունիսի նստաշրջանին, հաղորդում Է «Արմենպրես»-ը՝ հղում անելով ՌԻԱ Նովոստիին:

Վեհաժողովը համապատասխան բանաձեւն ընդունել Է հունիսի լույս 25-ի գիշերը: Փաստաթղթի օգտին քվեարկել Է 118 խորհրդարանական, 62-ը դեմ Է հանդես եկել, եւս 10-ը ձեռնապահ Է մնացել: Ռուս խորհրդարանականների խումբը՝ Պետդումայի փոխխոսնակ Պյոտր Տոլստոյի գլխավորությամբ արդեն մեկնել Է Ստրասբուրգ՝ մասնակցելու ԵԽԽՎ-ի նստշրջանին:

Հունիսի 24-ին Գերագույն ռադայի փոխխոսնակ Իրինա Գերաշչենկոն պատմել Է, որ ԵԽԽՎ-ն մերժել Է Ուկրաինայի կողմից արված ավելի քան 200 ուղղումները Ռուսաստանի պատվիրակության վերականգնման վերաբերյալ բանաձեւում: Ռուսաստանը ԵԽԽՎ-ում հիմնական լիազորություններից, մասնավորապես, ձայնի իրավունքից, զրկվել Էր 2014 թվականի ապրիլին Ղրիմի վերամիավորման եւ Ուկրաինայի հարավ - արեւելքում ռազմական գործողությունների պատճառով:

2017 թվականին Ռուսաստանը, որը ԵԽԽՎ-ի խոշորագույն ավանդատուն Է, սառեցրել Է անդամավճարի մուծումը: