Առաջին անգամ Հայաստանում բացառիկ համերգով հանդես կգա օպերային դիվա Վերոնիկա Ջիոևան
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Երևանում հունիսի 24-ին բացառիկ համերգով հանդես կգա օպերային դիվա Վերոնիկա Ջիոևան: Նա ելույթ կունենա Հայաստանի Ազգային ֆիլհարմոնիկ նվագախմբի հետ՝ մաեստրո Էդուարդ Թոփչյանի ղեկավարությամբ: Համերգին կմասնակցի նաև երիտասարդ բաս Սերգեյ Ստեփանյանը: Ինչպես «Արմենպրես»-ին տեղեկացրեցին Հայաստանի Ազգային ֆիլհարմոնիկ նվագախմբից, ծրագրում կհնչեն Մոցարտի, Վերդիի Պուչինիի հայտնի օպերաներից արիաներ:
Վերոնիկա Ջիոևան հանդես է գալիս աշխարհի լավագույն օպերային թատրոններում ու համերգասրահներում: Համագործակցում է այնպիսի հայտնի դիրիժորների հետ, ինչպիսիք են Մարիս Յանսոնսը, Վալերի Գերգիևը, Վլադիմիր Ֆեդոսեևը, Թեոդոր Կուրենտզիսը, Ինգո Մետցմախերը, Մարկո Կարմինատին և այլոք:
Համերգը կայանալու է Արամ Խաչատրյան համերգասրահում:
Բաժանորդագրվեք մեր ալիքին Telegram-ում