ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: WikiLeaks կազմակերպության հիմնադիր Ջուլիան Ասանժի առողջական վիճակը վատացել Է այն ժամանակի ընթացքում, որ նա անկցացրել Է Լոնդոնի Բելմարշ բանտում: Ինչպես մայիսի 29-ին Twitter-ում հայտնել Է WikiLeaks-ը, Ասանժին տեղափոխել են պատժական հիմնարկության հիվանդանոցային բաժանմունք, տեղեկացնում Է «Արմենպրես»-ը:

«Բելմարշ բանտում յոթ շաբաթվա ընացքում նրա առողջական վիճակը շարունակել Է վատանալ, նա քաշի զգալի կորուստ Է ունեցել: Նրան հիվանդանոցային բաժանմունք տեղափոխելու որոշումը խոսում Է ինքն իր մասին»,- նշված Է հայտարարության մեջ: WikiLeaks-ում հավելել են, որ «լրջորեն անհանգստացած են» Ասանժի ինքնազգացողության համար:

Կազմակերպությունում նաեւ դատապարտել են Շվեդիայի դատարանի մերժումը՝ հետաձգելու Ասանժի կալանքի շուրջ դատաքննության օրը՝ նրա առողջական վիճակի պատճառով, որը նշանակված Է հունիսի 3-ին: Բժիշկներն ավելի վաղ Ասանժի մոտ ախտորոշել են միջին ծանրության դեպրեսիա, շնչուղիների վարակներ եւ ատամների հետ կապված խնդիրներ, որոնք դարձել են Էկվադորի դեսպանատանը երկարատեւ մնալու հետեւանքը, որտեղ նա թաքնվել Է Մեծ Բրիտանիայի իշխանություններից եւ քաղաքական ապաստան խնդրել 2012 թվականի հունիսին, հաղորդել Է ՏԱՍՍ-ը: