Արմավիր-Հացիկ ավտոճանապարհին ավտոմեքենա է կողաշրջվել
14:42, 26 Մայիս 2019
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը մայիսի 26-ին, ժամը 11:08-ին ահազանգ է ստացել, որ Արմավիրի մարզի Արմավիր քաղաքի Երևանյան փողոցում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ԱԻՆ փրկարար ծխառայության հրշեջ-փրկարարական ջոկատի երկու մարտական հաշվարկ:
Ինչպես «Արմենպրես»-ը տեղեկացավ նախարարության պաշտոնական կայքից, պարզվել է, որ Արմավիր-Հացիկ ավտոճանապարհի 1-ին կմ-ին բախվել են «Mitsubishi Pajero» (վարորդ՝ Ա.Ս.) և «Mercedes-Benz» (վարորդ՝ Ս.Ղ.) մակնիշների ավտոմեքենաները, ինչի հետևանքով «Mitsubishi Pajero» մակնիշի ավտոմեքենան կողաշրջվել է. տուժածներ չկան:
Փրկարարները հոսանքազրկել են ավտոմեքենաները և փակել գազի բալոնների փականները:
Բաժանորդագրվեք մեր ալիքին Telegram-ում