Չինաստանում երեք մարդ Է զոհվել բարի տանիքի փլվելու հետեւանքով, տուժածների թիվն անցնում Է 80-ից
10:51, 20 Մայիս 2019
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: ՉԺՀ-ի Գուանսի Չժուանի Ինքնավար Շրջանի Բայսեի քաղաքային օկրուգում բարի տանիքի փլուզման զոհերի թիվը հասել Է երեքի: Ինչպես մայիսի 20-ին հայտնել Է Չինաստանի կենտրոնական հեռուստատեսությունը, եւս 83 մարդ վիրավորվել Է, տեղեկացնում Է «Արմենպրես»-ը:
Տեղական ժամանակով 08:00-ի (Երեւանի ժամանակով 04:00-ի) տվյալներով՝ տուժածներից մեկի վիճակն օրհասական Է, եւս յոթ հոգու վնասվածքները ծանր են: 62 տուժածներ գտնվում են բժիշկների հսկողության ներքո, 13 հոգի արդեն տուն Է ուղարկվել:
Տանիքի փլուզումը տեղի Է ունեցել «0776» բարում գիշերը տեղական ժամանակով 01:00-ին: Արտակարգ պատահարի վայրում փրկարարական գործողությունը շարունակվում Է: Դրան մասնակցում Է արտակարգ ծառայությունների 160 աշխատակից, գործի Է դրված 22 միավոր տեխնիկա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում