Ժամանակը Երևանում՝ 11:07:36,   1 Հունիս

Սպիտակ տունը եւ Կրեմլը հարաբերությունների վերաբեռնման հնարավորություն են տեսնում. The Washington Post

Սպիտակ տունը եւ Կրեմլը հարաբերությունների վերաբեռնման հնարավորություն են տեսնում. The Washington Post

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Սոչիում ԱՄՆ-ի պետքարտուղար Մայքլ Փոմպեոյի հետ Ռուսաստանի ղեկավարության բանակցությունների արդյունքը դարձավ այն, որ երկու կողմերն Էլ մնացին իրենց կարծիքներին, սակայն ամերիկյան դիվանագիտության ղեկավարի այդ ուղեւորությունը Վաշինգտոնի վարչակազմի լուրջ փորձն Է՝ վերաբեռնում սկսելու երկու երկրների հարաբերություններում: Մայիսի 14-ին The Washington Post թերթն այսպես Է մեկնաբանել ԱՄՆ-ի պետքարտուղարի բանակցությունները ՌԴ-ի ԱԳ նախարարության ղեկավար Սերգեյ Լավրովի եւ նախագահ Վլադիմիր Պուտինի հետ, տեղեկացնում Է «Արմենպրես»-ը:

«Իրանի, Վենեսուելայի եւ ԱՄՆ-ի ընտրություններին Ռուսաստանի միջամտության հարցերի շուրջը Փոմպեոն եւ Ռուսաստանի արտաքին գործերի նախարար Սերգեյ Լավրովը համատեղ մամուլի ասուլիսում խիստ հակադիր դիրքեր բռնեցին: Չնայած դրան, Փոմպեոյի առաջին ուղեւորությունը Ռուսաստան նախագահ Թրամփի վարչակազմի նոր լուրջ փորձն Է՝ իր համար նոր նեցուկ գտնելու համաշխարհային ասպարեզում քաղաքական տեսակետից ամենավտանգավոր հարաբերություններում»,- համոզված Է հրատարակությունը:

«Թրամփը տակավին նախընտրական արշավի ժամանակներից հնչեցնում Էր գլոբալ մարտահրավերների հարցում Ռուսաստանի հետ համագործակցելու ցանկությունը, բայց նա այդպես Էլ գործնականում չիրականացրեց այդ ցանկությունն ուժգին քաղաքական դիմադրության պատճառով: Այժմ, երբ ավարտվել Է ընտրություններին Ռուսաստանի միջամտության կապակցությամբ հատուկ դատախազ Ռոբերտ Մյուլլերի հետաքննությունը, Սպիտակ տունը եւ Կրեմլը հնարավորություն են տեսնում հարաբերությունների վերաբեռնման համար»,- նշում Է հրատարակությունը, հաղորդել Է ՏԱՍՍ-ը:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ