Ժամանակը Երևանում՝ 11:07:36,   27 Մայիս

Ամերիկյան կողմը պաշտպանել Է Պուտինի հետ երկխոսություն վարելու Զելենսկու ցանկությունը


ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: ԱՄՆ-ի Պետդեպարտամենտի՝ Ուկրաինայի հարցերով հատուկ ներկայացուցիչ Կուրտ Վոլքերը պաշտպանել Է Ռուսաստանի ղեկավար Վլադիմիր Պուտինի հետ երկխոսություն վարելու Ուկրաինայի ընտրված նախագահ Վլադիմիր Զելենսկու մտադրությունը, տեղեկացնում Է «Արմենպրես»-ը:

«Անհրաժեշտ Է, որ Ուկրաինան եւ Ռուսաստանը ուղղակի բանակցություններ վարեն, եւ ես կարծում եմ, որ Պուտինի հետ խոսելու նրա (Զելենսկու) ցանկությունը լավ Է, այլ ոչ թե վատ»,- հայտարարել Է Վոլքերը PBS հեռուստաընկերության եթերում:

Ընդսմին հատուկ ներկայացուցիչը հիշեցրել Է, որ Զելենսկին «հաստատակամորեն հանդես Է գալիս Ուկրաինայի ինքնիշխանությունն ու տարածքային ամբողջականությունն ապահովելու օգտին»: Ուկրաինայի նախագահի ընտրությունների երկրորդ փուլն անցկացվել Է ապրիլի 21-ին: Երկրի Կենտրոնական ընտրական հանձնաժողովի տվյալներով՝ քվեաթերթիկների 99,98 տոկոսի տվյալների ամփոփումից հետո Զելենսկին հաղթանակ Է տանում ձայների 73,23 տոկոսով, իսկ նրա մրցակիցը՝ պետության գործող նախագահ Պյոտր Պորոշենկոն, հավաքել Է 24,45 տոկոս:

Ընտրված նախագահի պաշտոնակալման արարողությունը պետք Է կայանա մայիսի 31-ից ոչ ուշ, հաղորդել Է ՏԱՍՍ-ը:




Լրահոս

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ