ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Նյույորքցի ուսանողը մեկ միլիարդ դոլարի հայց Է հարուցել ԱՄՆ-ի Apple ընկերության դեմ խանութներում դեմքերի ճանաչման համակարգի սխալի պատճառով, որը նրան որոնվող հանցագործի տեղ Է ընդունել: Այդ մասին, ինչպես տեղեկացնում Է «Արմենպրես»-ը, հաղորդել Է Bloomberg գործակալությունը:

18-ամյա Ուսման Բահը պնդում Է, որ 2018 թվականի նոյեմբերին Նյու Յորքում իրեն տանը ձերբակալել են եւ մեղադրել Apple-ի ֆիրմային խանութներում մի շարք գողություններ կատարելու մեջ: Կալանագիրը պարունակել Է կասկածյալի լուսանկարը, որն, ուսանողի կարծիքով՝ իրեն նման չԷ: Նա նաեւ նշել Է, որ գողություններից մեկը, որոնցում իրեն մեղադրել են, կատարվել Է հունիսին Բոստոնում այն օրը, երբ ինքը գտնվել Է իր ավարտական միջոցառմանը Մանհեթենի շրջանում:

Բահը պատմել Է, որ մինչ այդ կորցրել Է վարորդական իրավունքը: Այնտեղ լուսանկար չի եղել, բայց, հայցվորի կարծիքով՝ այն կարող Է հայտնված լինել իսկական գողի մոտ եւ որպես ինքնության հավաստագիր օգտագործված լինել Apple-ի խանութներում: Դրա հետեւանքով դեմքերի ճանաչման համակարգը կարող Էր սխալմամբ Բահի անունը կապել չարագործի դեմքի հետ:

Apple-ը եւ Security Industry Specialists պահպանական ֆիրման, որը նշված Է որպես երկրորդ պատասխանող, հրաժարվել են գործի վերաբերյալ մեկնաբանություններից: